Боздошти ронандаи фирорӣ баъди шикояти шаҳрвандон тариқи Facebook

AVIA Чартер - приложение для заказа джета

Боздошти ронандаи фирорӣ баъди шикояти шаҳрвандон тариқи Facebook

Корбарон дар Фейсбук ба номи Раёсати КВД дар Душанбе шикоят бурданд, ки дар кӯчаи Қаҳҳоров ронандае ҷавонеро зер карда, аз ҷойи ҳодиса фирор кардааст. Милисаҳо дар пайи тафтишот Шаҳобов Далер Салоҳиддиновичро дастгир карданд

ДУШАНБЕ, 23 ноя — Sputnik. Раёсати ВКД дар Душанбе хабар дод, ки баъди шикояти корбарони Фейсбук ронандаи фирориро боздошт кард.

Бино бар иттилои манбаъ, санаи 21-уми ноябри соли ҷорӣ соати 18-и бегоҳ як гурӯҳ корбарони саҳифаи иҷтимоии Фейсбук ба унвонии Раёсати Вазорати корҳои дохилӣ дар шаҳри Душанбе тариқи саҳифаи расмии Раёсат муроҷиат намуданд.

Международные авиа грузоперевозки

“Онҳо хабар доданд, ки ронандаи автомашинаи тамғаи “Мерседес бенс”, рангаш сафед дар кӯчаи Қаҳҳоров, гардиши хатсайри №11 ҷавони пиёдагардеро зада аз пой меафтонад”, – гуфта мешавад дар иттилои манбаъ

Ронандаи мазкур бар замми он, ки ба қоидавайронкунии дағали роҳу нақлиёт роҳ додааст, ҳамзамон аз ҷойи ҳодиса фирор намудааст.

Ҷавони ҷабрдида бошад дарҳол аз ҷониби шаҳрвандон ба беморхона дастрас гардида, баъд аз муоинаи табибон айни ҳол номбурда дар ҳолати хуб қарор дорад.

Баҳри муайян ва дастгир намудани ронандаи фирорӣ чорабиниҳои оперативӣ-ҷустуҷӯӣ роҳандазӣ гардида, ниҳоят дастгир карда шуд.

Дар натиҷа муайян гардид, ки ронандаи автомашинаи тамғаи “Мерседес-Бенс” аломати қайди давлатияш 0003DX01 Шаҳобов Далер Салоҳиддинович соли таваллудаш 4-уми июли 1993 истиқоматкунандаи шаҳри Душанбе буда, зимни идораи воситаи нақлиёт аз уҳдаи идора намудан набаромада, пиёдагарди мазкурро зада аз пой афтонидааст. Айни ҳол ронанда ва автомашинаи мазкур боздошт гардида, таҳқиқи ҳодиса идома дорад.