Атҳам Абдуллозода ба Сомон Маҳмадбеков либоси варзишӣ ҳадя кард


Атҳам Абдуллозода ба Сомон Маҳмадбеков либоси варзишӣ ҳадя кард

Раиси Кумитаи ҷавонон ва варзиш масъалаи омодагии Сомон ба мусобиқаҳои байналмилалӣ ва дарёфти роҳхат ба Бозиҳои олимпии Токио-2020 баррасӣ кард

ДУШАНБЕ, 12 дек — Sputnik. Атҳам Абдуллозода, раиси Кумитаи ҷавонон ва варзиш ва муовини раиси Кумитаи олимпии Тоҷикистон дар як мулоқот бо дзюдокори тоҷик Сомон Маҳмадбеков ба вай либоси варзишӣ ҳадя кардааст. Дар ин бора Кумитаи олимпии Тоҷикистон хабар медиҳад.

Сомон Маҳмадбеков, варзишкори тоҷики муқими Русияро, ки пас аз пирӯзӣ дар Ҷоми дзюдои Осиё ба Тоҷикистон меҳмон шудаааст, Абдуллозода ба ҳузур пазируфтааст.

Бино бар иттилои манбаъ, зимни сӯҳбат масъалаи омодагии Сомон ба мусобиқаҳои байналмилалӣ ва дарёфти роҳхат ба Бозиҳои олимпии Токио-2020 баррасӣ гардидааст.

«Зикр шуд, ки дар намуди дзюдо дар ҳар дараҷаи вазнӣ 18 нафар мустақим тариқи раддабандии олимпии Федератсияи байналмилалии дзюдо соҳиби роҳхат ба Бозиҳои олимпии Токио мешаванд, инчунин 20 варзишгари дигар аз ҳисоби раддабандии қитъаи Осиё имкони иштирок дар бозиҳои олимпиро пайдо менамоянд. Таъкид шуд, ки мусобиқаҳои литсензионӣ дар намуди дзюдо аз 25 майи соли равон оғоз гардидааст ва то 25 майи соли 2020 идома меёбад. Аз ин рӯ, бояд ҷиддӣ ба тамринҳо машғул шуда, дар мусобиқаҳои литсензионӣ ҳатман иштирок кард», — менависад кумита.

Кумитаи олимпӣ афзудааст, ки Абдуллозода дар анҷом ба Сомон ва мураббиаш либоси варзишӣ ҳадя кард ва ҳамчунин варзишгар аз дастгирии молии кумита бархурдор аст.

Читайте также  Барқ нест: Тоҷикистон содироти барқро ба Узбакистон қатъ кард