Мулоқоти вазири хориҷаи Тоҷикистон бо мақомоти баландпояи САҲА

AVIA Чартер - приложение для заказа джета


Мулоқоти вазири хориҷаи Тоҷикистон бо мақомоти баландпояи САҲА

Сироҷиддин Муҳриддин, вазири корҳои хориҷаи Тоҷикистон бо Дабири кулли САҲА, Мудири Дафтари САҲА доир ба ниҳодҳои демократӣ ва ҳуқуқи инсон ва Комисари Олии САҲА доир ба ақаллиятҳои миллӣ мулоқот кард

ДУШАНБЕ, 7 дек — Sputnik.  Дар ҳошияи ҷаласаи 25-уми Шӯрои вазирони кишварҳои ширкаткунандаи САҲА 6 декабри соли равон дар шаҳри Милан, Вазири корҳои хориҷии Тоҷикистон Сироҷиддин Муҳриддин бо Дабири кулли САҲА Томас Гремингер мулоқот кард, иттилоъ додааст дафтари матбуоти вазорати хориҷаи кишвар.

Бино бар иттилои манбаъ, дар рафти вохӯрӣ тарафҳо дар масъалаҳои марбут ба дурнамои ҳамкории Тоҷикистону САҲА, аз ҷумла раванди таҳияи Ёддошти тафоҳум, фаъолияти минбаъдаи Дафтари барномавии САҲА дар Душанбе, раёсати Тоҷикистон дар Форуми амниятии САҲА дар соли 2019 ва дигар масоили мавриди таваҷҷуҳ мубодилаи афкор намуданд.

Инчунин, вазорати корҳои хориҷа хабар додааст, ки вазири корҳои хориҷии Тоҷикистон Сироҷиддин Муҳриддин бо Комиссари Олии САҲА оид ба ақаллиятҳои миллӣ Ламберто Занниер мулоқот анҷом дод.

Международные авиа грузоперевозки

“Зимни мулоқот тарафҳо роҷеъ ба масъалаҳои ҳамкории Дафтари Комиссари Олии САҲА бо мақомоти дахлдори Тоҷикистон дар раванди татбиқи лоиҳаҳои минтақавии марбут ба ҳимояи ҳуқуқи ақаллиятҳои миллӣ дар кишварҳои Осиёи Марказӣ табодули афкор намуданд”, -таъкид намудааст манбаъ.

Илова бар ин, ҷонибҳо ба мувофиқа расиданд, ки ҷиҳати таҷдиди санади ҳамкорӣ миёни ниҳоди мазкури САҲА ва Вазорати маориф ва илми Ҷумҳурии Тоҷикистон иқдом намоянд.

Имрӯз ҳамчунин Сироҷиддин Муҳриддин бо Мудири Дафтари ниҳодҳои демократӣ ва ҳуқуқҳои инсон (ДНДҲИ) хонум Ингибёрг Гисладоттир мулоқот намуд.

Бино бар иттилои манбаъ, дар рафти вохӯрӣ ҷонибҳо роҷеъ ба самтҳои асосии ҳамкорӣ миёни мақомоти дахлдори Тоҷикистон бо ДНДҲИ, аз ҷумла мусоидати  ниҳоди мазкури САҲА дар татбиқи уҳдадориҳои кишвар дар чаҳорчӯби ченаки инсонии созмон, инчунин ширкати намояндагони Тоҷикистон дар ҳамоишҳои ин ниҳод табодули назар карданд.

Читайте также  Раисҷумҳур дарди дили ҷавонони бадахширо шунид: гусели 100 сокини ВМКБ барои кор ба Роғун