Милисаҳо аз ҷавони 18-сола 4 ҳазору 800 дона “хлопушка” мусодира карданд

AVIA Чартер - приложение для заказа джета


Милисаҳо аз ҷавони 18-сола 4 ҳазору 800 дона “хлопушка” мусодира карданд

Нисбати ҷавон тибқи моддаи 199 иловаи 1 Кодекси ҷиноятии Ҷумҳурии Тоҷикистон парвандаи ҷиноӣ боз шудааст

ДУШАНБЕ, 15 дек — Sputnik. Вазорати умури дохилаи Тоҷикистон хабар медиҳад, ки кормандони мақомоти милиса дар ноҳияи Зафаробод аз ҷавони 18-солае 4 ҳазору 800-дона маводи тарфгарии тамғаи “Трения” пайдо карданд.

Бино бар иттилои манбаъ, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милиса дар ҳудуди ноҳияи Бобоҷон Ғафуров ҷавони 18-солаи сокини ноҳияи Зафаробод бо гумони муомилоти ғайриқонунии маводи тарфгарӣ дастгир карда шуд. 

Международные авиа грузоперевозки

Гуфта мешавад, дар вақти кофтукови шахсӣ аз дохили пакети селофании номбурда, мувофиқи маълумотномаи Шуъбаи ташхисӣ-криминалистии ШВКД дар ноҳияи Б.Ғафуров 4 ҳазору 800-дона маводи тарфгарии тамғаи “Трения” дарёфт ва гирифта шуд. 

Нисбати ҳодиса чораҳо барои оғоз намудани парвандаи ҷиноятӣ бо моддаи 199 иловаи 1 Кодекси ҷиноятии Ҷумҳурии Тоҷикистон андешида шуда истодааст.

Пештар дар Душанбе зан ва наврасе ба иттиҳоми савдои ғайриқонунии хлопушка боздошт шуда буданд.

Дар вақти азназаргузаронии хонаи истиқоматии зани боздоштшуда  19 ҳазору 250 дона маводи тарфгарии навъи  “хлопушка” дарёфт ва мусодира карда шуд.

Читайте также  Эмомалӣ Раҳмон иштирокдорони ҳамоиши 400-солагии Сайидои Насафиро шодбош гуфт