Барномаҳои солинавӣ дар шаҳри Хуҷанд аз 15 декабр шурӯъ хоҳанд шуд

AVIA Чартер - приложение для заказа джета


Барномаҳои солинавӣ дар шаҳри Хуҷанд аз 15 декабр шурӯъ хоҳанд шуд

Мақомот дар шаҳри Хуҷанд дар маркази шаҳр арчаи солинавиро гузошта, шурӯъ аз 15 декабр барои сокинони шаҳр барномаҳои солинавӣ пешниҳод хоҳад шуд

ДУШАНБЕ, 14 дек — Sputnik. Дар маркази шаҳри Хуҷанд, рӯбарӯйи Маркази савдои “Авасто” арчаи солинавӣ гузошта шуда, пас аз 15 декабри соли равон барои сокинон ва меҳмонон барномаҳои солинавӣ пешниҳод карда мешавад.

Международные авиа грузоперевозки

Дар ин бора дафтари матбуоти ҳукумати вилояти Суғд хабар додааст.

Бино бар иттилои манбаъ, аз 15 то 20 декабр дар барномаҳои фарҳангии хонандагони мактаб ва литсейҳои шаҳри Хуҷанд ва аз 20 то 30 декабр барномаҳои солинавии донишҷӯёни Коллеҷи санъати ба номи Содирхон Ҳофиз, Коллеҷи тиббии ба номи Юсуфхон Исҳоқӣ ва Коллеҷи омӯзгории шаҳри Хуҷанд, ДДХ ба номи академик Бобоҷон Ғафуров, ДИС ДДТТ, ДП ДТТ ба номи Муҳаммад Осимӣ ва ДДҲБСТ ба намоиш гузошта мешавад.

Манбаъ таъкид намудааст, ки ҳамзамон дар ин рӯзҳо муассисаҳои фарҳангии Театри давлатии ба номи Камоли Хуҷандӣ, Муассисаи давлатии Кохи фарҳанги ба номи Абӯабдуллоҳ Рӯдакӣ, Театри давлатии мусиқии тамошобини ҷавони ба номи Одилҷон Назаров, Муасссисаи давлатии “Кохи фарҳанги Суғдиён”, ансамбли фолклории “Фалак”, ансамбли шашмақомхонони “Нури Хуҷанд” барномаҳои ҷолибро пешниҳод менамоянд.

Читайте также  СММ: 60 дар сади занҳои кушташуда қурбони зӯроварии хонаводагӣ шуданд