СММ: 60 дар сади занҳои кушташуда қурбони зӯроварии хонаводагӣ шуданд

AVIA Чартер - приложение для заказа джета


СММ: 60 дар сади занҳои кушташуда қурбони зӯроварии хонаводагӣ шуданд

Соли гузашта 50 ҳазор зан дар пайи хушунати хонаводагӣ кушта шуданд. Онҳоро наздиконашон – шавҳар ё маъшуқашон аз ҳаёт маҳрум кардаанд

ДУШАНБЕ, 27 ноя — Sputnik. Тақрибан 50 ҳазор зан дар соли 2017 дар пайи зӯроварии хонаводагӣ кушта шуданд, хабар медиҳад РИА Новости дар истинод ба ҳособоти СММ.

Бино бар иттилои манбаъ, занонро маъшуқ ё ҳамсаронашон куштаанд.

Международные авиа грузоперевозки

Дар соли 2017 дар ҷаҳон 87 ҳазор зан ба қатл расонида шуданд. Аз ин 60 дар сади онҳо курбони зӯроварии хонаводагӣ шуда, аз тарафи наздикони худ кушта шудаанд, гуфта мешавад дар маърӯза.

“Новобаста аз он, ки бештари қурбониёни қотилон мардон гаштаанд, занон аз ҳисоби нобаробарии ҷинсӣ ва бадбинии ҷинсӣ қурбон шудаанд. Маҳз занон ба эҳтимоли ғолиб аз ҷониби маъшуқ ё наздикони худ кушта мешаванд”, – омадааст дар ҳисоботи UNODC.

 Қитъаи Африқо яке аз хатарноктарин минтақаҳо барои занон мемонад, ки нишондиҳандаи қатл ба сари ҳар 100 ҳазор зан 3,1 ададро ташкил медиҳад. 

Ин нишондиҳанда дар Амрикои Ҷанубӣ ва Шимолӣ ба 1,6  Океания – 1,3 ва Осиё ба 0,9 расидааст.

Ба иттилои СММ, Аврупо бехатартарин минтақа барои занҳост. Дар ин қитъа ба сари ҳар 100 ҳазор зан 0,7 нишондиҳанда рост меояд.

Читайте также  Тоҷикистон барои пардохти қарзи беруна 200 миллион доллар сарф мекунад