Тоҷикистону Иттиҳодияи Аврупо вазъи амниятӣ дар Афғонистонро баррасӣ кардан

AVIA Чартер - приложение для заказа джета


Тоҷикистону Иттиҳодияи Аврупо вазъи амниятӣ дар Афғонистонро баррасӣ кардан

Сироҷиддин Муҳриддин, вазири корҳои хориҷии Тоҷикистон ва Муовини Дабири кулли Хадамоти аврупоии амалиёти хориҷии Иттиҳоди Аврупо Педро Серрано, вазъи амниятӣ дар Афғонистон ва ҳамкориҳои минтақавӣ бо Тоҷикистонро баррасӣ намуданд

ДУШАНБЕ, 24 ноя — Sputnik.  Бино бар иттилои дафтари матбуоти Вазорати корҳои хориҷаи Тоҷикистон, рӯзи 23 ноябри соли равон дар шаҳри Брюссел дар ҳошияи иштирок дар вохӯрии навбатии вазирони корҳои хориҷии кишварҳои Осиёи Марказӣ ва Иттиҳоди Аврупо, Сироҷиддин Муҳриддин бо Педро Серрано мулоқот намудааст.

Тибқи иттилои манбаъ, тарафҳо зимни мулоқот роҷеъ ба ҷанбаҳои калидии шарикии Тоҷикистон ва Иттиҳоди Аврупо, аз ҷумла дар соҳаҳои сиёсӣ, амният ва ҳамкориҳои минтақавӣ табодули назари судманд анҷом доданд.

Международные авиа грузоперевозки

Инчунин тарафҳо аз зарурати тақвияти ҳамкориҳои тарафайн дар самти мубориза алайҳи терроризми байналмилалӣ ва экстремизми зӯроварона, гардиши ғайриқонунии маводи мухаддир ва дигар чолишу хатарҳои муосири амниятӣ ибрози назар карданд.

Вазири корҳои хориҷаи Тоҷикистон аз кумакибештари Иттиҳоди Аврупо дар таъмини ҳифзи сарҳадот, хусусан дар доираи татбиқи Барномаи ИА доир ба идоракунии сарҳадот дар Осиёи Марказӣ (БОМКА), изҳори умедворӣ кардааст.

Дар рафти мулоқот ҳамчунин масъалаҳои рӯзномаи минтақавӣ, ба вежа вазъи амниятӣ дар Афғонистон ва мавзӯъҳои байналмилалӣ баррасӣ гардид.

 

Читайте также  Сафорат ба наздикони муҳоҷири фавтида дар идораи пулис кумак хоҳад кард