Рустам Эмомалӣ барои рушди соҳаи маориф як қарори дигар имзо кард

AVIA Чартер - приложение для заказа джета


Рустам Эмомалӣ барои рушди соҳаи маориф як қарори дигар имзо кард

Гуфта мешавад мақасад аз тасвиби қарор дастгирӣ ва ҳавасмандгардонии моддӣ-маънавии кормандони соҳаи маориф ва хонандагони муассисаҳои таҳсилоти миёнаи умумии пойтахт мебошад

ДУШАНБЕ, 13 дек — Sputnik. Раиси шаҳри Душанбе Рустам Эмомалӣ дар бораи тасдиқи низомномаҳои озмунҳои касбии соҳаи маорифи шаҳри Душанбе қарори нав ба имзо расид.

Тавре дар мундариҷаи қарор қайд мешавад, он бо мақсади дастгирӣ ва ҳавасмандгардонии моддӣ-маънавии кормандони соҳаи маориф ва хонандагони муассисаҳои таҳсилоти миёнаи умумии пойтахт ба тасвиб расидааст.

Тибқи қарор, низомномаҳо ва ҳайати Комиссияи озмунҳои касбии соҳаи маорифи шаҳри Душанбе “Омӯзгори сол”, “Мураббии сол”, “Хонандаи сол” бояд тасдиқ шавад.

Международные авиа грузоперевозки

“Муовини Раиси шаҳри Душанбе, сарпарасти соҳа, раисони ноҳияҳои шаҳр, Сарраёсати маорифи шаҳри Душанбе ҷиҳати ташкилу баргузорӣ ва ҷамъбасти озмунҳои “Омӯзгори сол”, “Мураббии сол”, “Хонандаи сол” тибқи тартиби муқарраргардида чораҷӯӣ намоянд”, – гуфта мешавад дар банди дувуми санад.

Қарори мазкур барои тасдиқ ба Маҷлиси вакилони халқи шаҳри Душанбе пешниҳодмешавад.

Дар банди панҷуми қарор гуфта мешавад, ки қарорҳои раиси шаҳри Душанбе “Дар бораи чораҳои такмил бахшидани фаъолияти муассисаҳои таълимӣ дар шаҳри Душанбе” аз 12 октябри соли 2000, №136, “Дар бораи дастгирӣ ва ҳавасмандгардонии моддӣ-маънавии кормандони соҳаи маориф ва хонандагони мактабҳои таҳсилоти умумии пойтахт” аз 19 майи соли 2006, №224 “Дар бораи баргузории озмуни шаҳрии «Волидайни беҳтарини сол” аз 04 декабри соли 2012, №743 аз эътибор соқит дониста шаванд.

Пештар бо як қарори раиси шаҳри Душанбе дар пойтахт Шӯрои рушди маорифи назди мақомоти иҷроияи ҳокимияти давлатии шаҳри Душанбе таъсис дода шуда буд.

Читайте также  Коршинос: Русияву Тоҷикистон ниёз ба якдигар доранд

Раиси Душанбе муовинони худ ва раисони навоҳии пойтахтро муваззаф кардааст, ки дар ҳамкорӣ бо сохторҳои дахлдор ба фаъолияти самарабахши Шӯрои рушди маориф мусоидат намоянд.